Liga Timorense 2025-2026 Hahú Hetan Sinal Positivu, Klub As Marca Fc Prepara Equipa Atu Hasoru Kompetisaun Époka 2025-2026

12 April 2025

Hafoin paradu tinan rua liu, kompetisaun Timor-Leste époka 2025-2026 sei kontinua hala'o fila fali. Ekipa lubuk ida komesa prepara fila fali ona atu hasoru Liga Timorense Époka 2025-2026, Segunda (03/03/2025).

Ekipa ida ne'ebé oras ne'e prepara hela ba époka kompetitiva mak hanesan AS Marca, ne'ebé nia sede iha Dili, Delta 4 Comoro, Timor-Leste. AS Marca nu'udar ekipa ida ne'ebé mak foin promove ba Liga 1 Timor-Leste hafoin sai vice-campeão iha Liga 2 Timor-Leste hamutuk ho DIT FC, tan ne'e iha ekipa rua ne'ebé maka promove ona hodi tama iha kompetisaun Liga Timorense 2025-2026.

Entretantu, iha Timor-Leste rasik, kompetisaun ne'e tuir planu sei hahu iha fulan Abril 2025, ne'ebé sei partisipa husi klubu 10 mak hanesan :
1. Karketu Dili FC
2. AD SLB Laulara
3. AS Ponta Leste
4. Academica FC
5. FC Porto Taibessi
6. Coração FC
7. Assalam FC
8. Emmanuel FC
9. DIT FC
10. AS Marca FC

Nu'udar representante As Marca ba Diaspora, Sousa TL hateten katak nia ekipa oras ne'e dadaun prontu atu simu époka kompetisaun ne'ebé iha tempu badak sei rola iha Timor-Leste.
"klaru, ida ne'e hanesan eventu ka kompetisaun ida ne'ebé mak adeptu Futeból sira iha Timor-Leste hein hela, iha ne'ebé durante tinan rua ona kompetisaun Liga Timorense paradu no la rola" dehan Sousa ba Kitaindonesia.com, Segunda (03/03/2025).